Kristilegt stúdentafélag (KSF) var stofnað 1936 og starfar innan Háskóla Íslands. KSF er aðili að IFES (International Fellowship of Evangelical Students) sem eru alþjóðleg samtök kristilegra stúdentfélaga. Markmið félagsins er að sameina trúaða stúdenta og aðra á aldrinum 20-30 ára til þess að styrkja og glæða trúarlíf þeirra og boða fagnaðarerindið um Jesú Krist.
Félagið er með fundi alla fimmtudaga kl. 21:00 í Dómkirkjuni í Reykjavík. Fundir KSF byggjast upp á tónlist, bæn og fræðslu. Ræðurnar eru á bilinu 10-20 mín og fjalla ýmist um áhugaverð efni tengd kristinni trú eða trúarlega uppbyggingu. Eftir fundi er gjarnan gert eitthvað skemmtilegt, farið á kaffihús, keyptur ís eða eitthvað annað skemmtilegt og uppbyggilegt.
Íþróttastarf KSF er alla þriðjudaga í Valsheimilinu kl 22:00 -22:50 þátttakendum að kostnaðarlausu. Íþróttastarfið hefst þann 17. janúar og eru allir velkomnir.
Bænastundir KSF eru í kapellu HÍ á mánudögum kl. 12:50 – 13:20. Á bænastundum hittumst við og biðjum fyrir skólanum og öðru sem okkur liggur á hjarta.
Stúdentamót verður haldið helgina 2. – 4. mars (vor 2012) í Ölver sem er ein af sumarbúðum KFUM & KFUK. Yfirskrift mótsins verður “Kristniboð á 21. öldinni – Nýjar leiðir í boðun”. Flottir ræðumenn verða fengnir til að flytja Guðs orð, auk þess sem stundaðar verða íþróttir og útivist en umfram allt samvera í góðum félagsskap.
NOSA 2012 verður haldið í Bergen, Noregi dagana 18.-21-oktober. Þetta árlega mót er hugsað sérstaklega fyrir leiðtoga í kristilegu starfi. Sjá myndir frá mótinu í fyrra undir flipanum “myndir” hér fyrir ofan.
Lög Kristilegs stúdentafélags.