KSF

Ný stjórn KSF

Vefstjóri — Mon, 24 May 2010 11:27:33 +0000

Á framhaldsaðalfundi var ný stjórn KSF kosin. Stjórnina skipa:

Guðlaug Jökulsdóttir, formaður
Lára Halla Sigurðardóttir, ritari og varaformaður
Kristbjörg Heiðrún Harðardóttir, gjaldkeri
Perla Magnúsdóttir, kynningar- og fjölmiðlafulltrúi
Sigríður Ingólfsdóttir, bænafulltrúi

Símanúmer og netföng stjórnar má finna hér.

Leit að nýrri stjórn KSF

Perla Magnúsdóttir — Tue, 27 Apr 2010 00:12:32 +0000

Heil og sæl kæru lesendur!

Vilt þú vera í stjórn KSF?

Aðalfundur félagsins var haldinn fyrir stuttu, vorkvöldið 14.apríl s.l.
Þar kom ýmislegt skemmtilegt og áhugavert fram – en það merkilega við fundinn var að honum var ekki slitið, vegna þess að
KSF’ingar og verðandi KSF’ingar vildu fá lengri umhugsunarfrest um hvernig stjórn félagsins skal vera n.k. vetur.

Við þurfum þó ekki að örvænta því framhalds- aðalfundur verður haldinn 12.maí n.k. kl. 17.00 upp á Holtaveginum (28) kæra.
Af því tilefni leitar félagið eftir fúsum, hressum, hugmyndaríkum, viljugum og kraftmiklum einstaklingum sem vilja taka þetta kærkomna verkefni að sér: að mynda 5 manna stjórn KSF fyrir komandi starfsár.

Eins og við höfum mörg tekið eftir hefur félagið verið í töluverði lægð undanfarin ár: EN, enn á ný þurfum við ekki að örvænta – því að orðið á götunni er það að mikill áhugi er fyrir hendi hjá öflugum einstaklingum að glæða félagið lífi á ný.
Vilt þú vera hluti af þeim hóp?
Hafðu þá samband við mig (Perla Magnúsdóttur – perlamagg@gmail.com) , eða sr. Írisi Kristjánsdóttur, eða jafnvel sr. Jón Ómar æskulýðsprest og bjóddu þig fram í stjórn KSF fyrir veturinn 2010-2011.
Lítil fluga hvíslaði því síðan að mér að þó nokkrir einstaklingar eru orðnir mjög áhugasamir í að bjóða sig fram… Það er greinilegt að það er spenna í loftinu og stórir hlutar að gerast!
Því hvet ég þig til að grípa tækifærið svo þú missir ekki af lestinni….tjú tjú!
Með tilhlökkun eftir komandi starfsári í KSF , segi ég áfram að markinu!

Framhaldsaðalfundur KSF

Guðmundur Karl — Mon, 19 Apr 2010 14:09:38 +0000

Á aðalfundi KSF sem haldinn var þann 14. apríl sl. var skipuð þriggja manna starfsnefnd sem hefur það hlutverk að skilgreina starf félagsins og fá fólk til liðs við félagið næsta mánuðinn. Ekki reyndist unnt að kjósa stjórn og var fundi því frestað og framhaldsaðalfundur boðaður þann 12. maí nk. Á þeim fundi er stefnt að því að kjósa stjórn og ræða betur starf félagsins í nánustu framtíð.

Ekki láta þig vanta

Aðalfundur KSF

Guðmundur Karl — Sun, 11 Apr 2010 13:43:01 +0000

Nú líður að aðalfundi félagsins, en hann verður haldinn miðvikudaginn 14. apríl nk á Holtavegi 28 og hefst kl. 18:30.
Félagið hefur í vetur verið í nokkurri lægð, mæting á fundi hefur dalað og þátttaka í starfi félagsins sömuleiðis. Því er ljóst að á aðalfundinum á miðvikudaginn verða teknar mikilvægar ákvarðanir um framtíð félagsins. Kristilegt stúdentafélag getur ekki staðið undir nafni með þeim hætti sem verið hefur í vetur.
Því er sérlega mikilvægt að þeir sem vilja vera í félaginu, taka þátt í starfi þess og bera hag félagsins fyrir brjósti mæti á þennan tímamóta aðalfund. Á fundinum verður meðal annars kannað hverjir hafa áhuga á að leggja fram krafta sína félaginu til framdráttar og í kjölfarið teknar ákvarðanir um framhaldið.

Vilt þú hafa eitthvað um málið að segja? Hefur þú áhuga á að koma að starfi félagins? Láttu þá sjá þig

KSF fundur í kvöld

Arnór Heiðarsson — Wed, 24 Mar 2010 14:11:18 +0000

Í kvöld verður KSF fundur á Holtavegi 28 kl 20:00. Jón Ómar, skólaprestur vor, mun koma og tala til okkar. Komdu og eigðu góða stund.

NOOMA á KSF fundi í kvöld

Guðmundur Karl — Wed, 10 Mar 2010 14:47:29 +0000

Á KSF fundi í kvöld ætlum við að horfa á eina af hinum snilldarlegu NOOMA hugleiðingum. Fundurinn hefst kl. 20:00 á Holtavegi 28.
See yah!

Vegna forfalla er fundinum sem átti að vera 10. mars aflýst.

Miðasala á árshátíð KSS/KSF

Guðmundur Karl — Mon, 01 Mar 2010 20:24:32 +0000

Nú fer hver að verða síðastur að tryggja sér miða á árshátíð KSS/KSF sem fer fram á laugardaginn. Verð á árshátíðina er 2900 kr í forsölu en til að nýta það verð þarf að kaupa miða í síðasta lagi þriðjudaginn 2. mars.

Leggið inn á reikning:
0101-26-073756
Kenntitala:
541277-0569
og sendið staðfestingarpóst á hilmarj hjá gmail.com. Þá verður ykkur merktur miði.

Verð á miða við hurð er 4000 kr (keypt eftir þriðjudaginn).

Árshátíð KSS og KSF

Guðmundur Karl — Thu, 25 Feb 2010 12:49:19 +0000

Árshátíð KSS og KSF verður haldin laugardaginn 6. mars á Holtavegi. Verð: 2900 kr (4000 kr við innganginn). Takið daginn frá.

Glad you asked á miðvikudag

Guðmundur Karl — Mon, 15 Feb 2010 21:52:14 +0000

Á næsta KSF fundi, miðvikudaginn 17. febrúar kl. 20:00, verður kynning á efninu Glad You Asked sem KSF keypti nýlega. Efnið fjallar um spurningar tengdar Kristinni trú, hvernig má svara þeim og hvernig má vekja upp fleiri spurningar. Ekki missa af þessum spennandi fundi.

Stúdentamóti aflýst

Guðmundur Karl — Thu, 11 Feb 2010 21:36:38 +0000

Vegna ónógrar þátttöku hefur stúdentamóti KSF sem halda átti í Vindáshlíð nú um helgina verið aflýst. Félagið harmar þau óþægindi sem af þessu kunna að hljótast.

Stjórn KSF

The KSF student conference planned in Vindáshlíð this weekend has been canceled due to poor registration.